2015年11月22日星期日

你決定

有時好多人都會以為我哋嘅父母仲好後生,好壯健,但係我哋好次並冇諗過,人總是會衰老嘅一日。人總是會逝去。
有人會諗過呢樣嘢,咁梗係好喇。
但係有冇人諗過,當人嘅健康不再,但又死不去嘅時候,會點呢?
又或者當人已經失去語言能力,又無法表達佢哋嘅意願,又會點呢?
到咗嗰陣時,人又會唔會諗返如果自己仲可以預先做出決定,決定自己以後要行嘅路,要點樣嘅醫療方式,唔駛人哋幫自己做決定,又或者唔想人哋決定自己唔願意接受嘅治療,有幾好呢?
就好像捐贈器官咁,自己想捐就可以捐。以後等到真係死咗,只要你有一張捐贈咭在身,醫生就可以依照你意願,將你嘅器官移植畀有需要嘅人。
其實,人係有能力自己做決定自己想要接受嘅治療,就算你已經失去意識都好,只要你有通其他人,尤其係自己嘅屋企人講過,你係有能力做出呢個決定嘅。



呢個係星加坡嘅宣傳片。馬來西亞雖然仲未立法確立呢樣嘢,但係如果你有決定過,醫生都會尊重你/佢嘅決定嘅。