2015年2月6日星期五

始終都係要回到原點

今日睇到有位同事黑晒面口行嚟行去,最後先知發生咗乜嘢事(猜嘅)。

話說我哋部門已經向外宣布只有MO先可以轉介病人,但係外科部門仲係明知故犯,仲係HO轉介病人。我本身就對HO轉介病人方面係冇咁介意,只要佢哋可以講述病人嘅病歷,仲要點解要我哋嘅意見。

我嘅呢位同事就收到HO嘅來電,轉介病人。我本身係有同呢位HO一齊共事,佢係有能力好清楚咁講述病人嘅病歷,係一位好好嘅HO,以後大把前途。好可惜礙在佢仲係HO嘅身分,我呢位同事就好介意,要佢MO嚟同佢講述。

好喇,呢次輪到個MO嚟講話。雖然口齒伶俐,好可惜對於個病歷乜都唔知。最後都係要去睇個病人。

我心諗,反正到最後都係要睇個病人,何必咁介意對方嘅身份?最後都係換嚟自己嘅負面情緒⋯⋯

沒有留言:

發佈留言