2014年10月30日星期四

當西醫遇上傳統醫者

幾年前我睇咗呢本『當中醫遇上西醫』,
幾年後嘅今日,呢度就上演呢場兩位傳統醫者之間打擂台。
仲有嘅係,佢哋仲未遇上西醫咧⋯⋯

呢個就係今日主題嘅吉祥物,你哋睇係唔係好可愛?
呢場係8th INTRACOM,即係國際傳統及輔佐醫療會議。
我只係奉旨嚟放假嘅二打六⋯⋯

今日嘅節目好悶,聽日嘅就應該會好精彩,
因為會有幾位西醫嚟踩場⋯⋯

講真,我唔係要批評啲咩嘢,
只係有時會覺得好多呢啲傳統醫者都會攞啲個案嚟舉證自己嘅說法。
就好次開始講起兩位傳統醫者嘅拗撬:
A:我覺得蒸谷米對糖尿病好。
B:我從來未聽過,你點確定食蒸谷米對控制糖尿病有幫助?
A:我係個糖尿病患者,我天天都食蒸谷米。我食咗之後血糖就控制喺6.6到7.8之間。
B:我對呢方面冇研究,我覺得仲需要再研究。
A:我就係最好嘅舉證!
B:呢方面,n等於一係唔夠,你仲需要等於成千先至可以算數。

B君所講嘅係統計學嘅術語。
n其實係研究對象嘅個數。如果要一個說法成立,一個係唔夠,因為一個人係唔可以代表所有人,而且偏見會好多(重)。
數量越多,就可以代表越多人,偏見就會減少。
呢個都係現代西方醫學所著重嘅,亦之係佢可以喺短短200年間迅速發展到今時今日嘅地步仲企得住腳嘅原因之一。

聽日,呢度就有兩個完全唔同體系嘅爭拗,『傳統醫學唔夠舉證』,正式當傳統醫者遇上西醫⋯⋯

2014年10月23日星期四

劏房

喺一個值班嘅晚上,我就瞓喺呢間40平方呎嘅劏房入面。
雖然瞓板間房我唔係第一次,但係喺馬來西亞就真係第一次…

2014年10月18日星期六

萬能煲

前嗰排買咗個萬能煲,今日一試,果然名不虛傳。
呢個就係我嘅傑作。
紅豆沙…

2014年8月9日星期六

攞景


無聊周圍行下,突然諗到有個地方可去⋯⋯
  5W4A0111

呢度係新新碼頭,最近至改名。

  5W4A0106
有咖啡鋪,仲有行車過

5W4A0094
後面就麥記

5W4A0091


2014年7月14日星期一

呢度都變咗

今日行過KL市區一轉,感覺好次好奇怪。

首先趟LRT,座位唔見晒,唔知係唔係翻新翻唔切,或者係特定嘅,淨係留抵長者同弱勢社群嘅座位。心諗呢個係唔係畀啲人喺繁忙時間一齊逼沙丁魚呢?用最少嘅空間嚟裝最多嘅人,呢個好經濟下嗻⋯⋯我當堂直接聯想到以前喺印度時一齊同啲tempe逼巴士一樣。好在呢趟嘅車廂好少人,唔駛逼。

我嘅目的地係劉葉廣場。去嗰度需要喺KL Sentral度落車,再轉搭Monorail先至去得到目的地。另一個方法就係比較原始嘅,要嘅Pasar Seni落車,途經茨廠街、Puduraya、同善醫院嘅15分鐘行程。畀著以前嘅我會選擇用呢嗰方法,但係呢架已經食到肥斯大隻、老咗幾歲嘅我,算喇,洗多兩蚊就可以怪返好多腳骨力,梗係選擇搭Monorail喇。

KL Sentral大廈同佢嘅Monorail站係喺唔同地方;之間相隔咗兩條大街。以前就要喺烈日當下步行5分鐘左近,又要聞巴士車嘅臭屁,落雨時就寸步難移,直頭就係會大叫粗口嗰種。呢架兩條大街之間就多咗一棟商場(Nu Sentral),應該係啱啱起好嘅。有咗空調,多咗好多嘢睇(但係就買唔起),少咗好多麻煩。

行到Monorail站之後至諗起幾日前因地冧而停止Hang Tuah同Imbi之間嘅Monorail 服務。哎,唯有喺Hang Tuah落車,行去劉葉。到最後都係要我行多啲路。

還掂都係要行路,返時我最終都係選擇行去Pasar Seni站。途徑茨廠街時已經兩點幾三點咗。呢度真係今時唔同往日。以前呢度咁嘅時候一定係逼爆晒人,行都行唔到。呢架人就少咗好多,人種更加唔同。十個八個變晒孟加拉尼泊爾緬甸人。本地商家剩下小貓兩三隻。就連嗰個追住你問你要唔要阿鳳嘅龜公仔都唔見咗。先前仲話要保留本土文化嘅人,應該都唔見晒呱⋯⋯

仲有嘅係,呢架行都好多地方,都聽唔到年輕細仔講廣東話咗;一係就講本土英語,一係就係華語。雖然呢個現象我喺幾年前都已經發覺到,但係真係冇諗到會進一步惡化到咁快。粵語已經算係比較強勢嘅方言,都淪落到咁嘅田地,遲早一日喺呢個世界真係好可能會冇人再識講任何方言。心寒~

2014年7月13日星期日

煥然一新

舊嘅已過,迎接新嘅,即係去舊迎新。
呢度主要係用粵語書寫,間唔中會用華語(普通話)同英文,睇心情。
同之前嘅blog一樣,呢度都係不定時更新,可能成年都未必一次,都係睇心情。
如果懷念以前嗰個blog嘅話,好對不住,我已經刪除咗。

心情麻麻,嘅咁先,就此擱筆。