2016年8月31日星期三

這一刻

當你喺一間已經電腦系統化嘅醫院做工,
其他化驗結果已出,
而你等梗嗰個就咁:

你又好想早啲返屋企,
你唯有可以做嘅係⋯⋯




不停咁撳住F5(即係Refresh)⋯⋯

2016年3月12日星期六

新城

離開地面上千尺嘅上空,
窗外猶如仙境般嘅白雲,
遠望同蔚藍上空成對比嘅南海,
地面上一片片綠油油嘅椰子林,
呢度就係南海一角嘅新城...
(其實又唔係好新遮)

2016年3月3日星期四

你有可能會⋯

某個風和日麗嘅晏晝,我忙梗睇病嘅時候,偶然間從隔離傳嚟一段聲音:
「你有可能會中風」
「你有可能會認唔到自己」
「你有可能會認唔到家人」
「你有可能會唔識返屋企」
「你有可能會蕩失路」
bla bla bla⋯⋯
我心諗,雖然我唔知你講梗乜,亦唔知你counsel梗乜,
你其實會唔會係喺度恐嚇梗病人呢?

2015年11月22日星期日

你決定

有時好多人都會以為我哋嘅父母仲好後生,好壯健,但係我哋好次並冇諗過,人總是會衰老嘅一日。人總是會逝去。
有人會諗過呢樣嘢,咁梗係好喇。
但係有冇人諗過,當人嘅健康不再,但又死不去嘅時候,會點呢?
又或者當人已經失去語言能力,又無法表達佢哋嘅意願,又會點呢?
到咗嗰陣時,人又會唔會諗返如果自己仲可以預先做出決定,決定自己以後要行嘅路,要點樣嘅醫療方式,唔駛人哋幫自己做決定,又或者唔想人哋決定自己唔願意接受嘅治療,有幾好呢?
就好像捐贈器官咁,自己想捐就可以捐。以後等到真係死咗,只要你有一張捐贈咭在身,醫生就可以依照你意願,將你嘅器官移植畀有需要嘅人。
其實,人係有能力自己做決定自己想要接受嘅治療,就算你已經失去意識都好,只要你有通其他人,尤其係自己嘅屋企人講過,你係有能力做出呢個決定嘅。



呢個係星加坡嘅宣傳片。馬來西亞雖然仲未立法確立呢樣嘢,但係如果你有決定過,醫生都會尊重你/佢嘅決定嘅。

2015年9月4日星期五

無題

身陷流沙,
就算拼命掙扎,
越是於事無補,
只怕越陷越深⋯⋯
回首一望,
掛念昔日,
盼望明日更好。

2015年4月19日星期日

超人老竇

老竇始終都係老竇,唔係必要時都係唔會喺個仔面前顯示自己身體狀況日漸衰退嘅一面,撐得一日得一日。
阿仔始終係阿仔,總是以為自己嘅老竇永遠都係超人,唔會老嘅。
當有一日發覺老竇真係老到咁多時,無論自己有幾巴閉,始終都係手騰腳震,拜神唔見咗隻雞咁。

原來老竇真係老咗咁多⋯⋯



2015年2月6日星期五

始終都係要回到原點

今日睇到有位同事黑晒面口行嚟行去,最後先知發生咗乜嘢事(猜嘅)。

話說我哋部門已經向外宣布只有MO先可以轉介病人,但係外科部門仲係明知故犯,仲係HO轉介病人。我本身就對HO轉介病人方面係冇咁介意,只要佢哋可以講述病人嘅病歷,仲要點解要我哋嘅意見。

我嘅呢位同事就收到HO嘅來電,轉介病人。我本身係有同呢位HO一齊共事,佢係有能力好清楚咁講述病人嘅病歷,係一位好好嘅HO,以後大把前途。好可惜礙在佢仲係HO嘅身分,我呢位同事就好介意,要佢MO嚟同佢講述。

好喇,呢次輪到個MO嚟講話。雖然口齒伶俐,好可惜對於個病歷乜都唔知。最後都係要去睇個病人。

我心諗,反正到最後都係要睇個病人,何必咁介意對方嘅身份?最後都係換嚟自己嘅負面情緒⋯⋯